KABANATA

Ganoon na lang ba kabilis ang panahon,

Sa isang iglap lang ay di mo na malingon?

Mga pangyayaring biglang nagiging kahapon

Maya-maya lang ay matatapos na ang taon.

Ang Lunes lumilipas ng mabilis

Bawa't buwan ay parang food express.

Ang bawa't taon mabilis magbihis

Tumatakbo ng diretso at di lumilihis.

Ang ngayon ay magiging bahagi ng kahapon

Ang bukas darating at maglilimayon.

Karanasan at inaasam magiging alaala

Bahagi ng puso, malungkot man o masaya.

Igapos ko man ang aking kahapon

Yakapin ng mahigpit ang aking ngayon

Patuloy na tatakbo, patungo sa bukas

Orasan ng buhay, dagliang kakaripas.

Bakit nga ba kailangang balikan?

Mga kabanata ng ating kabataan.

Bakit di harapin ating bukas

Na tiyak darating, patungo sa wakas.

Kaya't huwag tayong mag-alinlangan

Sa ngayon, bukas o kahapon man

Ang buhay ng tao puno ng kabanata

Harapin lang ang hamon at talinhaga.